پسرور: ٹرک ڈرائیور دا ماموں‘ پھپھی تے چاچے دی دھی نال ویاہ

لاہور(پاکستان پوائنٹ نیوز02۔اکتوبر2017ء) مقامی فلور مل دے ٹرک ڈرائیور ارشد محمد نے تن ویاہ کیتے نیں‘ تنوں ویاہواں دی وجہ دسدے ہوئے ارشد محمود نے دسیا کہ اوہدی اک بیوی اوہدے مامے دی دھی‘ دوجی پُھپھی جدکہ تیجی چاچے دی دھی اے۔ میڈیا رپورٹس مطابق ارشد محمود دا کہنا اے کہ میں خاندان وچ اتفاق تے یکجہتی قائم رکھن لئی تِنوں کزناں نال ویاہ کیتے۔ تِنوں بیویاں اک ای گھر وچ رہندیاں نیں تے اوہناں دی آپسی وچ ڈونگھی دوستی اے۔ ارشد محمود دا کہنا سی کہ سوکن والی کوئی گل نہیں، میں تِناں بیویاں وچکار برابری رکھنا واں۔