داتا دربار توں روٹی کھا کے گزارا کرن والا بندا ارب پتی بن گیا

داتا دربار توں روٹی کھا کے گزارا کرن والا بندا ارب پتی بن گیا

لاہور(پاکستان پوائنٹ نیوز09۔ستمبر2017ء) اللہ تعالی جہنوں وی دیندا اے بے حساب دیندا اے ایہ گل تے تُسیں سُنی ہوئے گی پر اوہدا عملی نمونہ پچھلے دِناای ساہمنے آیا اے۔ جی ہاں!داتا دربار لاہور توں روٹی کھا کے گزارا کرن والا بندہ محمود بھٹی ارب پتی بن گیا۔ نجی ٹی وی چینل دے اک پروگرام وچ اوہنے دسیا کہ جدوں میں پیرس گیا تے میرے کول پیسے نہیں سن۔

میری غربت دا ایہ عالم سی کہ میں داتا دربار توں روٹی کھاندا سی۔ میرا اک دوست 70دے دہاکے وچ پڑھائی لئی پیرس گیا ہویا سی۔ اودوں ویزیاں دا نظام نہیں سی۔ میں اوہنوں خط لکھدا سی تے میں لوکاں توں پیسے اُدھار لے کے ٹکٹ مُل لیا تے بس اوتھے پہنچ گیا۔ پیرس جان اُتے وی میرے کول پیسے نہیں سن تے نہ ای گھر سی۔ منفی 10درجہ حرات ہون دی وجہ توں اوتھے ڈاڈھی سردی سی۔

محمود بھٹی دا کہنا سی کہ میں صفائی کرن تے پیکٹ چُکن تیکر دا کم کیتا ہویا اے۔ میں سڑکاں اُتے سوندا سی تے بہت روندا سی۔ فیر سوچدا سی کہ جے پاکستان چلا گیا تے میرا ایس توں وی ودھ بُرا حال ہوئے گا ۔ میری عمراوس ویلے 19سال سی تے مینوں فرانسیسی زبان دا اک اکھر نہیں آؤندا سی۔امجد بھٹی دا کہنا سی کہ جے تہاڈے کول پیسہ تے گھر نہ وی ہوئے تے تُسیں فیر وی حالات نال لڑ سکدے او۔