پی ٹی آئی چیئرمین عمران خان دے چینی ہم شکل دی سوشل میڈیا اُتے دھم

بیجنگ(پاکستان پوائنٹ نیوز26۔اگست2017ء) پی ٹی آئی چیئرمین عمران خان دے چینی ہم شکل دی تصویر تے ویڈیودی سوشل میڈیا اُتے دھم اے۔ تفصیل مطابق سوشل میڈیا ویب سائٹس اُتے پی ٹی آئی چیئرمین عمران خان دے اوس چینی ہم شکل دی تصویر تے ویڈیو ہزاراں لوکاں ولوں شیئر کیتی جا رہی اے۔ ایس ہم شکل دا مونہ مہاندرا پی ٹی آئی چیئرمین عمران خان نال رلدا اے۔ چینی شہری دے وال تے ہسن دا سٹائل وی بالکل عمران خان ورگا اے۔ کجھ سوشل میڈیا ورتیندڑاں نے عمران خان دا مذاق اُڈایاپر کُجھ سوشل میڈیا ورتیندڑ اپنے لیڈر عمران خان دے ہم شکل دی ویڈیو تے تصویراں شیئر کر کے خش وی ہوئے۔