سوشل میڈیا تے اک سہمی ہوئی بالڑی دی ویڈیو وائرل

لاہور(پاکستان پوائنٹ نیوز19۔اگست2017ء) سوشل میڈیا تے پچھلے دِنا ای اک روندی بالڑی دی ویڈیو وائرل ہوئی جہدے اُتے سوشل میڈیا ورتیندڑاں نے غصے دا وکھالا کیتا اے۔تفصیل مطابق سوشل میڈیا اُتے وائرل ہوئی ایس ویڈیو وچ ویکھیا گیا کہ بالڑی مبینہ طور اُتے اپنی ماں نال بِہ کے گنتی پڑھ رہی اے پر نال نال اپنی ماں دے خوف پاروں رو رہی اے۔ پر اوہدی ماں اوہنوں بار بار گنتی سُنان دا آکھ رہی اے۔ ویڈیو وچ معصوم بالڑی اپنی ماں نوں روندے ہوئے آکھ رہی اے کہ پیار نال گل کرو پر گنتی بُھل جان اُتے اوہدی ماں اوہنوں چپیڑ ماردی اے جہدے مگروں معصوم بالڑی نے روندے تے کچیچی لیندے ہوئے گنتی سُنا ای دتی۔