کراچی دے رہائشی بھین بھراواں نے غریب بالاں نوں تعلیم دین لئی سکول کھول لیا

کراچی(پاکستان پوائنٹ نیوز06۔جولائی2017ء) کراچی دے رہائشی اک نوجوان مُنڈے نے اپنی بھین نال رلکے غریب بالاں لئی سٹریٹ سکول کھول لیا۔ تفصیل مطابق حسن تے شیریں نامی بھین بھراواں نے رلکے کراچی دیاں گلیاں وچ ہن تیک تن سکول کھولے نیں۔ ایہ تِنوں سکول رمزمہ، ڈی ایچ اے تے قیوم آباد وچ کھولے گئے نیں۔ جتھے 55غریب بالاں نوں تعلیم دتی جا رہی اے۔ حسن دی عمر 15جدکہ اوہدی بھین شیریں دی عمر 12سال اے۔ سوشل میڈیا اُتے ایہناں بھین بھراواں دے معاشرے وچ تبدیلی لیان لئی کیتے جان والے ایس اقدام دے چرچے نیں ۔ سوشل میڈیا ورتیندڑاں دا کہنا اے کہ اینی نِکی عمرے اینی وڈی کوشش تعریف جوگ اے۔ امید اے کہ ایہ دوویں بھین بھرا اپنے نیک مقصد وچ کامیاب ہو جان گے۔