نویں دِلی(پاکستان پوائنٹ نیوز01۔جولائی2017ء) ویاہ ہوئے تے کوئی نچن والا نہ ہوئے تے ایہ ممکن نہیں پر بھارت وچ شوہر نوں اپنی ای ویاہ تے نچنا مہنگا پے گیا۔ بھارتی میڈیا مطابق ریاست اترپردیش دے علاقے شاہ جہان پور وچ ویاہ دی تقریب جاری سی کہ دُلھن نے ویاہ توں انکار کر دتا۔ نشے وچ دھت دُلھا جنج لے کے دُلھن دے گھر پہنچیا تے اپنے آپ اُتے قابو نہ رکھ سکیا تے سڑک دے وچکار ای لیٹیاں لیندے ہوئے ناگن ڈانس کرنا شروع کر دتا۔
23ورھیاں دی دُلھن پریانکا ترپاٹی نوں جدوں ایس بارے پتا چلیا تے اوہ ڈاڈھی شرمندا ہوئی تے اوہنے چھیتی نال اپنے ماں پیو نال گل کردے ہوئے ذکر کیتے گئے بندے نال ویاہ کرن توں انکار کر دتا۔ رپورٹس مطابق دوویں خانداناں نے دُلھن دی بہت منتاں کیتیاں کہ اوہ ویاہ توں انکار نہ کرے پر دُلھن اپنے فیصلے تے قائم رہی۔ انج دُلھے دی اک نِکی جہی غلطی اوہدے لئی زندگی بھر دا پچھتاوا بن گئی۔
