لنڈے توں آئن لائن خریداری: کراچی دے دو نوجواناں نے کاروبار شرو ع کر لیا

لنڈے توں آئن لائن خریداری: کراچی دے دو نوجواناں نے کاروبار شرو ع کر لیا

کراچی(پاکستان پوائنٹ نیوز01۔جولائی2017ء) لنڈے توں آن لائن خریداری دا ٹرینڈ پاکستان دے شہر کراچی دے رہن والے دو نوجواناں نے متعارف کروا دتا۔ ایہناں نوجواناں نے لنڈے وچ آئیاں ساریاں شیواں نوں اپنی ویب سائٹ ’خزانے ڈاٹ کام‘ اُتے پان مگروں آئن لائن ڈیلیوری کرن دا کم شروع کیتا۔ ایس ویب سائٹ دے موڈھی محمد عثمان دا کہنا اے کہ اسیں اک اجیہا کم متعارف کروایا اے جو پاکستان وچ تے کیہ ایس توںپہلے دنیا بھر وچ کیتے نہیں ہو رہیا سی۔ امریکا ولوں ایہ کم کرن اُتے سانوں سدیا گیا تے ساڈے کم دی ڈاڈھی تعریف کیتی گئی۔ محمد عثمان دا کہنا سی کہ سانوں آن والے چھ مہینیاں وچ امریکا سدیا جائے گا۔ اوہناں نے دسیا کہ لنڈا بازار وچ آئیاںساریاں قمیضاں نوں وی اسیں دھون مگروں استری کروا کے ’خزانے ڈاٹ کام‘ دے ڈبے وچ پا کے گاہکاں نوں ڈیلیور کردے آں۔ سانوں ایہ کم نوں شروع کیتیاں ڈیڈھ سال ہو گیا اے۔ ایس دوران اسیں تقریبن دو کروڑ رُپئے توں ودھ دا کاروبار کیتا۔محمد عثمان دا کہنا سی کہ ساڈا ٹارگٹ ایتوار بازاراں نوں مکمل آئن لائن لیانا اے جہدے لئی سانوں سرمایا کاراں دی ضرورت اے۔