واشنگٹن(پاکستان پوائنٹ نیوز29۔جون2017َِء) امریکا دے ماہرین نے اجیہا موبائل فون ایجاد کیتا اے جو بغیر بیٹری دے چلدا اے۔ جمعرات نوں امریکی ابلاغ وسیلیاں مطابق دنیا بھر وچ تیزی نال سمارٹ فون دی ورتوں دا رجحان ودھ رہیا اے پر موبائل فون دی بیٹری چھیتی ختم ہونا اک تکلیف جوگ مسئلا اے پر ماہرین نے ایس گل دا حل وی کڈھ لیا اے۔ یونیورسٹی آف واشنگٹن دی تحقیقاتی ٹیم نے اجیہا موبائل فون ایجاد کیتا اے جو بیٹری توں بغیر چلدا اے جدکہ ایہ موبائل فون ہوا تے ریڈیو دیاں لہراں توں توانائی حاصل کردا اے۔
ماہرین دا کہنا اے کہ بغیر بیٹری دے چلن والے موبائل فون لئی ’ہیکس کیٹرنگ ٹیکنالوجی‘ دی ورتوں کیتی گئی اے تے اوہدے راہیں فضا وچ پہلاں توں موجود ریڈیو دے سگنلز نوں ورتدے ہوئے معلومات دا وچار وٹاندرا کیتا جاندا اے۔
