خاہش پوری ہوئے گی یاں نہیں؟ ایہ دسن والا نایاب پتھر ساہمنے آگیا

خاہش پوری ہوئے گی یاں نہیں؟ ایہ دسن والا نایاب پتھر ساہمنے آگیا

اسلام آباد(پاکستان پوائنٹ نیوز24۔جون2017ء) ساڈے وچوں کئی لوک اجیہیاں خاہشاں رکھدے نیں جہناں دے پورا ہون یاں نہ ہون بارے اسیں آپ وی اعتماد نہیں رکھدے پر پچھلے دِنا ای سوشل میڈیا اُتے اک ویڈیو وائرل ہوئی جہدے وچ اک پتھر متعارف کروایا گیا اے۔ ایس پتھر دی خاصیت ایہ اے کہ ایہ تمنا پوری ہون یاں نہ ہون بارے دسدا اے۔ ایس ویڈیو وچ دسیا گیا جے کوئی تمنا دل وچ رکھ کے ایس پتھر نوں چُکن دی کوشش کیتی کرے پر ایہ پتھر آسانی نال چُکیا جائے تے ایہدا مطلب ایہ اے کہ کیتی گئی تمنا پوری ہو جائے گی۔ جے پتھر چُکن وچ اوکڑاں ہون تے ایہدا مطلب اے کہ ایہ خاہش مشکل ای پوری ہوئے گی پر جے کوئی تمنا دل وچ رکھ کے ایس پتھر نوں چُک نہ سکے تے ایہدا مطلب صاف اے کہ اوس بندی دی خاہش کدی پوری نہیں ہوئے گی۔ ایس ویڈیو نوں ہن تیکر بہت سارے لوکاں نے ویکھیا اے۔ سوشل میڈیا ورتیندڑاں نے ایس ویڈیو اُتے اپنی اپنی رائے دا وکھالاوی کیتا اے۔