نماز پڑھن نال لَک پیڑ دور تے صحت چنگی رہندی اے: تحقیق

(پاکستان پوائنٹ نیوز18۔مئی2017ء) اسلام دے 5رکناں وچ اک رکن نماز دا وی اے۔ اہل اسلام دن وچ پنج وار نماز دی صورت وچ اپنے خالق دے حضور پیش ہوندے نیں۔ نماز بارے پچھلے دنا ای ہون والی تحقیق وچ ایہ گل ساہمنے آئی اے کہ نماز پڑھن نال لَک پیڑ دورتے جسمانی صحت دوجے لوکاں دے مقابلے وچ چنگی رہندی اے۔ تحقیق دے مطابق نماز وچ گوڈھے تے لَک دے مسلز دے استعمال نال جسمانی صحت چنگی رہندی اے۔

ایس تحقیق نوں انٹرنیشنل جرنل آف انڈسٹریل سسٹم اینڈ انجینئرنگ وچ چھاپیا گیا۔ اخبار دے مطابق سٹڈی دوران ہندو، مسلمان، ایشیائی تے امریکی باشندیاں دا جائزا لتا گیا جہدے توں ایہ گل ساہمنے آئی کہ مسلماناں دا سجدہ کرنا اوہناں دے جوڑاں دی لچک نوں ہور ودھان وچ مددگار ثابت ہوندا اے پر ایس تحقیق وچ معذور بندیاں نوں شامل نہیں کیتا گیا۔ ایس تحقیق دے سانجھے لکھاری نے آکھیا کہ جے ویکھیا جائے تے نماز دیاں حرکات یوگا وانگ ہوندیاں نیں۔ مسلماناں دی ایس پریکٹس نال ذہنی پریشانی دور کرن وچ مدد ملدی اے۔