لیبر ڈے: کراچی دے اک مشہور ریسٹورنٹ نے سبھ دے دل جِت لئے

لیبر ڈے: کراچی دے اک مشہور ریسٹورنٹ نے سبھ دے دل جِت لئے

کراچی(پاکستان پوائنٹ نیوز02۔مئی2017ء) پہلی مئی نوں دنیا بھر وچ مزدوراں دا قومانتری دیہاڑ منایا جاندا اے۔ ہر سال ایہ دن پاکستان وچ وی سرکاری چھٹی دے کے منایا جاندا اے پر افسوس دی گل ایہ اے کہ ایس دن وی اصل مزدور اپنی دو ویلے دی روٹی تے اپنے بالاں دا ڈھڈ بھرن دی خاطر چھٹی کرن دی بجائے کم کرن نوں ترجیح دیندے نیں تاں جے اوہ کُجھ پیسے کما سکن۔

پچھلے دیہاڑے کراچی دے اک مشہور یسٹوران نے سماجی رابطے دی ویب سائٹ فیس بک اُتے اپنے پیج اُتے اک ویڈیو پوسٹ کیتی جہدے وچ اوہناں نے دسیا کہ لیبر ڈے دے حوالے نال اوہناں نے اپنے ریسٹورنٹ وچ کم کرن والی لیبر لئی کجھ کیتا۔ ’ہاٹ اینڈ سپائسی‘ نامی ایس ریسٹورنٹ دے چیف ایگزیکٹو افسر عمیر خان دا کہنا سی کہ لیبر ڈے دی مناسب نال اسیں اپنے ویٹرز تے لوئر سٹاف لئی اک سرپرائز لنچ دا بندوبست کیتا جہدا مقصد اوہناں دی حوصلہ افزائی کرنا سی۔