سوشل میڈیا اُتے وائرل ہوئی ویڈیو وچ موذن دی آواز وچ اذان سُن کے ورتیندڑاں دا ایمان تازا ہو گیا

ویب ڈیسک(پاکستان پوائنٹ نیوز27۔مارچ2017ء) اسلام وچ اذان نوں اللہ ولوں آن والی صدا آکھیا جاندا اے جہدے وچ اللہ اپنے بندے نوں نماز پڑھن دی دعوت دیندا اے۔ اذان دنیا بھر وچ موجود ساریاں مسجداں وچ روز 5وار دتی جاندی اے۔ سوشل میڈیا اُتے ایسے طرحاں اک موذن دی آواز وچ اذان دی ویڈیو وائرل ہو گئی ، جہدی بنیادی وجہ موذن دی آواز اے۔ اذان سُندے ہوئے ورتیندڑاں اندر اک سکون ورگی کیفیت طاری ہو جاندی اے۔ سوشل میڈیا اُتے وائرل ہوندی ایس ویڈیو دا اجے پتا نہیں لگ سکیا کہ ایہ کہڑے ملک یاں کس شہر دی اے پر ورتیندڑ اذان سن کے مذہبی سحر وچ مبتلا ہو گئے۔ورتیندڑاں نے سوشل میڈیا اُتے وائرل ہون والی ویڈیو اُتے تبصرا کردے ہوئے آکھیا کہ اوہ ایس اذان نوں بار بار سُن رہے نیں تے ہر وار ای دل وچ سکون تے نماز ول راغب ہون دا جذبا پیدا ہوندا اے۔