بھارتی مسلمان شہری نے پانی نال چلن والی گڈی بنا لئی

بھارت(پاکستان پوائنٹ نیوز11۔فروری2017ء) پٹرول تے ڈیزل دیاں ودھدیاں قیمتاں نے گڈیاں تے موٹر سائیکل رکھن والے بندیاں دے خرچیاں وچ وادھا کر دِتا اے، ایسے پریشانی نوں مُکھ رکھدے ہوئے بھارتی مسلمان شہری نے پانی نال چلن والی گڈی تیار کر لئی اے۔ تفصیل دے مطابق بھارتی علاقے ساغر مدھر پردیش دے رہائشی محمد رئیس محمودی مکرانی نے اک اجیہی گڈی تیار کر لئی اے جو پانی نال چلدی اے۔ محمد رئیس پچھلے 35ورھیاں توں اپنے خاندان دے گیراج وچ کم کر رہیا اے۔ 2012وچ اوہنے اپنی گڈی ماروتی 800نوں بدل کے اجیہی گڈی بنائی جو پانی نال چلدی اے۔ سوشل میڈیا اُتے وائرل ہوئی ویڈیو وچ محمد رئیس نے اپنی گڈی بنان تے ایس دوران کیتی جانی والی محنت بارے دسیا۔ محمد رئیس دی محنت دی کہانی تسیں وی سنو!