لندن(پاکستان پوائنٹ نیوز17۔جنوری2017ء) ماں پیو تے بیوی دے جھیڑے وچ پھسے برطانوی باکسر عامر خان دی مبینہ فحش ویڈیو لیک ہو گئی اے۔ غیر ملکی میڈیا دے مطابق انٹرنیٹ اُتے لیک ہون والی ویڈیو وچ اک بندے نوں فحش حرکتاں کردے ویکھیا جا سکدا اے جہدے بارے وچ گمان اے کہ اوہ باکسر عامر خان ای اے، باکسر نے مبینہ طور اُتے ایہ ویڈیو اوس ویلے ریکارڈ کیتی جدوں اوہ سکائپ اُتے مبینہ طور اُتے اک ماڈل سوانی نال ویڈیو چیٹ کر رہیا سی، اوس سوانی بارے آکھیا جا رہیا اے کہ اوہدا تعلق امریکی ریاست ایریزونا توں اے تے اوہدی عامر خان نال 2010وچ ملاقات ہوئی سی۔
2013وچ ریکارڈ ہون والی ایس ویڈیو بارے خیال ظاہر کیتا جا رہیا اے کہ باکسر کولوں ایس طرحاں دیاں حرکتاں فریال مخدوم نال ویاہ دے کُجھ ہفتے بعد ای ہوئیاں۔ ایہ وی آکھیا جا رہیا اے کہ باکسر عامر خان دیاں تن ہور فحش ویڈیوز وی ایس ویب سائٹ نوں ویچن لئی پیش کیتیاں گئیاں سن، ایہناں ویڈیوز بارے کئی ورھیاں توں افواہواں چل رہیاں سن پر ہن کوئی بندا وی ایہناں نوں آسانی نال انٹرنیٹ اُتے ویکھ سکدا اے۔
