ایف بی آر دا عظیم باکسر محمد علی دی نگرانی د ااعتراف

ایف بی آر دا عظیم باکسر محمد علی دی نگرانی د ااعتراف

واشنگٹن(پاکستان پوائنٹ نیوز17۔دسمبر2016ء) امریکی خفیہ ادارے ایف بی آر نے عظیم باکسر محمد علی دی نگرانی دا اعتراف کر لیا۔ غیر ملکی میڈیا دے مطابق ایف بی آئی نے 1966دے دوران عظیم باکسر محمد علی دی کڑی نگرانی کیتی سی۔ ایس دوران اوہناں دی پہلی بیوی توں طلاق تے میامی دی مسجد وچ اوہناں دے خطاب دی نگرانی وی کیتی گئی سی جدکہ ایہ سارا کجھ اک مذہبی گروپ ’نیشن آف اسلام‘ دے حوالے نال کیتی گئی تفتیش دا حصہ سی۔

ایہ گل خفیہ ادارے ولوں جاری کیتیاں گئیاں دستاویزات وچ دسی گئی اے۔ ایف بی آئی ولوں جاری ایہ دستاویزات سبھ توں پہلے نیویارک ٹائمز نے جاری کیتیاں۔ ایف بی آئی ولوں جاری مقبول عوامی رہنماواں دی نگرانی دے ادارے نوں ڈاڈھی تنقید دا ساہمنا اے۔ ایف بی آئی نے 1960توں 1970دے دوران انسانی حقاں دے سرگرم رہنما مارٹن لوتھر کنگ جونینئر تے راک گلوکار جوہن لینن دی خفیہ نگرانی وی کیتی سی۔ جاری دستاویزات 140صفحیاں اُتے مشتمل نیں جہناں وچ 1966دے دوران محمد علی دے حوالے نال دستاویز وی شامل نیں۔