لاہور(پاکستان پوائنٹ نیوز18۔نومبر2017ء) پاکستانی نژاد برطانوی باکسر عامر خان نے فریال مخدوم توں وکھ ہون نوں غلطی قرار دیندے ہوئے آکھیا کہ اوہ ہن اوس غلطی نوں درست کرن دی پوری کوشش کر رہے نیں۔ تفصیل مطابق اپنی بیوی فریال مخدوم نال تعلقات دے معاملے اُتے عامر خان نے پہلی وار اک انٹرویو وچ کُھل کے اپنیاں غلطیاں نوں مندے ہوئے آکھیاکہ جے پوری صورتحال نوں ویکھو تے اوہ سبھ احمقانہ سی، ٹیکسٹ میسجز راہیں جس طرحاں ایہ گل شروع ہوئی اوہ انداز غلط سی۔
عامر خان کہنا سی کہ میں اپنی غلطی سوشل میڈیا اُتے پا دتی تے اجیہیاں گلاں دا تصور کیتا جو غلط سن۔ عامر دا کہنا سی کہ ایس ویلے فریال حاملا اے تے اوہنوں میری بڑی ضرورت اے، مینوں اجے پتا نہیں کہ میرے گھر دو دھیاں پیدا ہون گیاں یاں پُتر پر میری فیملی میری ذمے واری اے تے میں اپنی اولاد نوں ایس طرحاں اکلا نہیں چھڈ سکدا۔
