میلبورن(پاکستان پوائنٹ نیوز16۔اکتوبر2017ء) پاکستانی سوانی ویت لفٹر مریم نسیم نے آسٹریلیا وچ 57کلو گرام دے ویٹ لفٹنگ مقابلیاں وچ چاندی دا میڈل جِت لیا اے۔تفصیل مطابق خیبرپختونخوا دی راجدھانی پشاور توں تعلق رکھن والی مریم نسیم اک دہاکا پہلاں اپنی تعلیم مکمل کرن لئی آسٹریلیا گئی سی جتھے اوہنوں ویٹ لفٹنگ دا شوق پیدا ہویا۔ مریم نے پہلے ویٹ لفٹنگ نوں بھار گھٹ کرن لئی شروع کیتا پر اوہنوں چھیتی ای احساس ہو گیا کہ اوہ ایس توں ودھ کے کُجھ کر سکدی اے۔
مریم نے یونیورسٹی آف کینبرا وچ تعلیم حاصل کرن دوران ویٹ لفٹنگ نوں بطور پروفیشن اپنا لیا۔ اوہنے چھیتی ای میلبورن و چ ہون والے اک ویٹ لفٹنگ مقابلے دی 57کلو کیٹگری وچ چاندی دا میڈل جِتا لیا، جو صرف دو ورھے پہلاں ویٹ لفٹنگ شروع کرن والی مریم لئی کسے کارنامے توں گھٹ نہیں سی۔
