اسلام آباد(پاکستان پوائنٹ نیوز04۔اگست 2017ء) باکسر عامر خان تے فریال مخدوم دے وکھ ہون دی وجہ ساہمنے آ گئی۔ تفصیل مطابق باکسر محمد عامر دا کہنا اے کہ ساڈے دوواں دے وکھ ہون دی وجہ باکسر انتھونی جوشووا اے ۔ فریال مخدوم انتھونی نال رہنا چاہندی اے میرے نال نہیں۔ باکسر عامر دا ہور کہنا سی کہ انتھونی جوشووا نوں میرے لیفٹ اوور تے گزارا کرنا پئے گا۔
ایس توں وکھ اوہناں فریال نوں لالچی سوانی قرار دتا۔ دوجے پاسے فریال ولوں وی عامر اُتے الزام لان دا سلسلا جاری اے۔ فریال نے عامر دیاں گلاں دے جواب وچ آکھیا کہ تہاڈا باکسنگ کیریئر ختم ہو گیا اے تُسیں ایہ حرکتاں صرف لوکاں دی توجہ اپنے ول کروان لئی کر رہے او۔ فریال دا ہور کہنا سی کہ میں اپنے گھر اپنے بال دے سارے خرچے آپ برداشت کر رہی آں تہاڈے کولوں کدی پیسے نہیں لئے۔ فریال نے عامر تے شراب پین دا وی الزام لایا۔
