یوسین بولٹ دی فتح دے بعد نیو یارک ائر پورٹ خالی کرا لِتا گیا

نیویارک (پاکستان پوائنٹ نیوز17۔اگست 2016ء) نیو یارک دے جان ایف کینڈی ائر پورٹ اُتے یوسین بولٹ دی اولمپک وچ کامیابی دے بعد ہنگامی حالت نافذ ہو گئی۔ مقامی حکام دے مطابق ٹریمنل 8 اُتے لوکاں نے ٹی وی اُتے یوسین بولٹ نوں 100 میٹر ریس وچ کامیابی حاصل کردے ویکھ کے تالیاں وجائیاں تے رولا پایا ، جہدے تے حکام پریشان ہو گئے تے فوری طور اُتے ائر پورٹ نوں نہ صرف خالی کروا لتا گیا بلکہ فلائٹس دی آوا جاوی وچ وی دیر ہوئی پر سرچ دے بعد سارے آپریشنز بحال کر دِتے گئے۔ یاد رہوے کہ جیمیکین سپرنٹر یوسین بولٹ نے لگاتار تیجی وار اولمپکس وچ گولڈ میڈل جِت کے نواں ریکارڈ بنایا سی جدکہ اوہناں نے ریواولمپکس وچ گولڈ میڈل جِتن دے بعد ریٹائرمنٹ دا وی اعلان کیتا ۔