کھٹمنڈو(پاکستان پوائنٹ نیوز06۔جولائی2017ء) کرکٹ مگروں بیڈ منٹن وچ وی پاکستانی کھڈاریاں نے روایتی حریف بھارت نوں ہرا کے انٹرنیشنل بیڈ منٹن چیمپئن شپ دا ڈبلز ٹائٹل اپنے ناں کر لیا۔تفصیل مطابق قومی کرکٹ ٹیم دے کھڈاریاں مگروں بیڈ منٹن پلیئرز نے وی بھارتی کھڈاریاں دا غرور مٹی وچ رلا دتا اے۔ نیپال دے دارالحکومت کھٹمنڈو وچ ہون والے انا پورنا انٹرنیشنل بیڈ منٹن شپ دا مینز ڈبلز دا فائنل پاکستان دے عرفان سعیدتے عظیم سرورا تے بھارت دے انجان بور گھونیا تے رانجان بورا گھونیا نال ہویا۔
پاکستانی کھڈاریاں نے غیر معمولی کارکردگی دا وکھالا کردے ہوئے حریف پلیئرز نوں21-16تے 21-15نال ہرا کے ٹائٹل اپنے ناں کیتا۔ چیمپئن ٹرافی دے سنگلز مقابلیاں وچ پاکستان دے مراد علی نے کامیابی حاصل کردے ہوئے سیمی فائنل لئی کوالیفائی کر لیا۔ عظیم سرور نے کوارٹر فائنل وچ تھاں بنا لئی اے۔
