برمنگھم(پاکستان پوائنٹ نیوز06۔جون2017ء) برمنگھم دے تھائی باکسنگ چیمپئن نے غریب بالاں لئی چیریٹی جمع کرن دا انوکھا طریقا لبھ لیا، روز ہ رکھ کے لگاتار بارھاں گھنٹے جسمانی مشق کیتی۔ تفصیل مطابق نوجوان تھائی باکسنگ چیمپئن مبشر باجوہ کوئی نہ کوئی نواں ریکارڈ بناندے رہندے نیں، ایس وار اوہناں نے اپنی ہمت تے حوصلے دی اک نویں مثال قائم کردے ہوئے ایہ ثابت کیتا کہ جے خدمت خلق دا جذبا دل وچ ہوئے تے کوئی وی کم مشکل نہیں ہوندا۔
مبشر باجوہ نے روزہ رکھ کے بارھاں گھنٹے لگاتار اپنیاں کہنیاں تے گُٹاں دی مدد نال بیگ پرپچنگ تے لگنگ کیتی، ایس موقعے تے اوہناں دے سپورٹرز وی وڈی گنتی وچ موجود سن، روزے دی وجہ نال پریکٹس دوران مبشر دی حالت وِگڑ گئی، کدی اوہناں دا بلڈ پریشر گھٹیا تے کدی دل دی دھڑکن ودھی پر اوہناں نے ہمت نہ ہاری، ایس دوران پیرامیڈکس اوہناں دا چیک اپ کردے رہے۔
