لندن(پاکستان پوائنٹ نیوز25۔مارچ2017ء) پاکستانی نژاد برطانوی باکسر عامر خان اک وار فیر اپنی بیوی دے حق وچ ساہمنے آ گئے، فریال مخدوم نوں اپنے خاندان دی سبھ توں ذہین سوانی قرار دے دتا۔ تفصیل دے مطابق باکسر عامر خان نے اپنے تے بیوی وچکار دوریاں پیدا کرن دیاں کوششاں کرن والے مخالفاں نوں اک وار فیر ناک آﺅٹ کر دتا۔ برطانوی میڈیا نوں انٹرویو دیندے ہوئے سابق ورلڈ باکسنگ چیمپئن عامر خان نے کاروباری معاملات دے حوالے نال والد، دوست تے اک قریبی رشتے بارے کُھل کے گلاں کیتیاں۔
اوہناں دا کہنا سی کہ اوہ اپنے ماں پیو لئی جو کر سکدا ساں اوہ کیتا۔ عامر دا کہنا سی کہ میں ہن وی ماں پیو دا ساتھ نہیں چھڈیا پر ہن اوہ اپنی فیملی دی ویکھ بھال کر رہے نیں۔ عامر نے فریال مخدوم نوں بہترین بیوی قرار دیندے ہوئے آکھیا کہ اوہ اوہدے سارے کاروباری معاملات چنگے طریقے نال اوہدی سنبھال رہی اے۔
