مزار قائد اُتے بین الاقوامی بھلواناں دی حاضری، سیلفیاں وی بنائیاں

کراچی(پاکستان پوائنٹ نیوز24۔مارچ2017ِء) پاکستان آئے ہوئے بین الاقوامی ریسلرز نے مئی وچ ہون والے مقابلیاں توں پہلے رنگ جما دتا۔ بھلواناں نے فوجی جواناں نال سیلفیاں بنوائیاں۔ تفصیل دے مطابق کراچی وچ مختلف تھاواں دے دوریاں مگروں بین الاقوامی بھلوان، یاسین عثمانی، ٹائنی آئرن تے بادشاہ خان نے مزار قائد اُتے حاضری دِتی تے پُھلاں دی چادر چڑھائی۔ انٹرنیشنل ریسلرز نے مزار قائد دی سکیورٹی لئی موجود فوجی جواناں نال تصویراں وی بنوائیاں۔ چیتے رہوے کہ سارے انٹرنیشنل بھلوان مئی وچ ہون والے مقابلیاں وچ رنگ اندر نظر آن گے۔