لندن(پاکستان پوائنٹ نیوز24۔مارچ2017ء) پاکستانی نژاد برطانوی باکسر عامر خان نے گھر والیاں تے خاص کر ماں پیو توں دوری دی اصل وجہ دس دتی۔ تفصیل دے مطابق عامر خان تے اوہدے گھر والیاں وچکار پچھلے کُجھ مہینیاں توں لڑائی چل رہی اے تے ایہو افواہواں ساہمنے آ رہیاں سن کہ ایہناں گلاں دی وجہ اوہناں دی بیوی فریال مخدوم نیں پر باکسر نے آپ انکشاف کیتا کہ اوہناں دے ماں پیو وچکار تعلقات دی دی خرابی تے دوری دی وجہ مالی معاملات وچ بے ضابطگی اے۔
عامر دا کہنا سی کہ میں ماں تے چاچی اُتے بھروسہ کردے ہوئے پراپرٹی مشیر توں وکھ اکاﺅنٹینٹ نوں وی فارغ کر دتا جہدے مگروں اک فائٹ ہاردے نال ای مینوں مالی مسائل دا ساہمنا کرنا پیا جو قریبی لوکاں دی کرپشن دی وجہ توں ہویا۔ باکسر دا کہنا اے کہ اوہناں دی توجہ باکسنگ اُتے سی۔ اوہناں نے اکھاں بند کر کے اپنی ٹیم اُتے بھروسہ کیتا پر اوہناں نے اعتماد نوں ٹھیس پہنچائی گئی۔ باکسر نے آکھیا کہ جدوں تہاڈے کول وادھو پیسہ ہووے تے نکے موٹے خرچیاں اُتے نظر نہیں پیندی پر جدوں کمائی گھٹ ہووے یاں رک جاوے تے فیر تہانوں لوکاں دے رنگ نظر آﺅندے نیں۔
