لاہور(پاکستان پوائنٹ نیوز03۔اکتوبر 2016ء) بھارتی جنگی جنون توں کھڈاری وی غیر محفوظ، جونیئر ہاکی ورلڈ کپ وچ پاکستان دی رلت مشکوک ہو گئی۔ تفصیل دے مطابق پاکستان تے بھارت وچکار جاری کشیدگی پاروں قومی جونیئر ہاکی ٹیم دی ورلڈ کپ وچ رلت مشکل وکھائی دے رہی اے۔پاکستان ہاکی فیڈریشن (پی ایچ ایف) دے مطابق اجے تیکر حکومت نے قومی ٹیم نوں ایونٹ وچ رلت دی اجازت نہیں دِتی۔ اوہناں دا کہنا سی کہ بھارت وچ کھڈاریاں دا تحفظ پہلی ترجیح اے۔ سکیورٹی دی یقین دہانی دے بعد ٹیم نوں بھارت گھلن دا فیصلا کیتا جاوے گا۔یاد رہوے کہ جونیئر ہاکی ورلڈ کپ 8توں 18 دسمبر تیکر لکھنو وچ کھیڈیا جاوے گا۔
جونیئر ہاکی ورلڈ کپ وچ پاکستان دی رلت مشکوک
8 سال پچھے
