کوالالمپور (پاکستان پوائنٹ نیوز17۔اگست 2016ء) ملائیشیا دے میری ٹائم حکام نے دعوی کیتا اے کہ اوہناں دا 9 لکھ لیٹر ڈیزل نال بھریا اک ٹینکر ہائی جیک کر کے انڈونیشیا دی سمندری حدود وچ لے جایا گیا اے۔ اطلاع دے مطابق ہائی جیک ہون والے ٹینکر وچ موجود تیل دی قیمت 3 لکھ 92 ہزار 7 سو 95 ڈالر اے۔ ملائیشین میری ٹائم انفورسمنٹ ایجنسی (ایم ایم ای اے) نے اپنے اک بیان وچ آکھیا کہ ایم ٹی ویئر ہارمنی نامی جہاز انڈونیشیا دی سمندری حد وچ موجود اے۔
دوجے پاسے میری ٹائم انفورسمنٹ ایجنسی دے ڈائریکٹر احمد پزی ایب کہر نے سوشل میڈیا اُتے اپنے پیغام وچ وی ایس گل دی تصدیق کیتی کہ آئل ٹینکر نوں ہائی جیک کر لِتا گیا اے تے امکان اے کہ ایہنوں انڈونیشیا لے جایا جاوے گا۔ ویئر ہار منی نامی ایہ ٹینکر ملائیشیا دے ٹان جنگ پیلی پاس پورٹ توں پیر دے دیہاڑے روانا ہویا سی۔ ایم ایم ای اے دے مطابق آئل ٹینکر نوں ہائی جیک کرن والیاں بارے کُجھ پتا نہیں لگ سکیا۔
