عاقب جاوید نے آصف زرداری توں سفارش کران دا اعتراف کرلیا

لاہور(پاکستان پوائنٹ نیوز09۔فروری2017ء) پاکستان کرکٹ ٹیم دے سابق فاسٹ باﺅلر تے لاہور قلندرز دے ڈائریکٹر آپریشنز عاقب جاوید نے ذکاءاشرف دے دور وچ ، اوس ویلے دے صدر پاکستان آصف علی زرداری کولوں سفارش کروان دا اعتراف کر لیا۔ تفصیل دے مطابق اپنے اک انٹرویو وچ عاقب جاوید نے انکشاف کیتا اے کہ 2012وچ جدوں اوہ نوکری چھڈ کے جان لگے سن تے اوس ویلے دے چیئرمین ذکاءاشرف نے اوہناں نوں ریلیز کرن توں انکار کر دِتا سی۔ عاقب جاوید نے دسیا کہ ایس موقعے اُتے اوہناں نے صدر مملکت آصف زرداری توں سفارش کرا کے اپنی نوکری چھڈوائی سی۔ اوہناں دا کہنا سی کہ میں کَلا بندا ہوواں گا جو نوکری ختم کران لئی سفارش کرا رہیا سی۔