پشاور زلمی دے سارے کھڈاری لاہور آن نوں تیار نیں: جاوید آفریدی

پشاور زلمی دے سارے کھڈاری لاہور آن نوں تیار نیں: جاوید آفریدی

دبئی(پاکستان پوائنٹ نیوز07۔فروری2017ء) پاکستان سپر لیگ (پی ایس ایل) دی ٹیم پشاور زلمی دے مالک جاوید آفریدی دا کہنا اے کہ اوہناں دی ٹیم دے سارے کھڈاری لاہور وچ فائنل کھیڈن لئی تیار نیں۔ نجی ٹی وی چینل نال گل بات کردے ہوئے جاوید آفریدی دا کہنا سی کہ پچھلی رات اوہناں دی ٹیم نال ملاقات ہوئی، ملاقات دوران ایونٹ دے فائنل وچ پہنچن دی صورت وچ لاہور وچ کھیڈن دے حوالے نال گل ہوئی اے۔

یاد رہوے کہ پشاور زلمی دے کپتان ڈیرن سیمی نے وی چاہیواناں نال گل بات کردے ہوئے آکھیا سی کہ میں چھیتی پاکستان تے خاص کر پشاور آواں گا۔ پی ایس ایل دی شروعات 9فرور ی توں دبئی وچ پچھلی وار دی چیمپیئن اسلام آباد یونائیٹڈ تے پشاور زلمی وچکار میچ توں ہووے گی جدکہ فائنل 7مارچ نوں لاہور وچ کھیڈیا جائے گا۔