محمد حفیظ نے شاہد آفریدی دا مَندی باﺅلنگ دا ریکارڈوی توڑ دِتا

ایڈیلیڈ(پاکستان پوائنٹ نیوز26۔جنوری2017ء) قومی ٹیم دے آل راﺅنڈر محمد حفیظ نے سابق ٹی ٹونٹی کپتان شاہد آفریدی دا مَندی باﺅلنگ دا وی ریکارڈ توڑ دِتا۔ تفصیل دے مطابق آسٹریلیا خلاف کھیڈی گئی سریز وچ 36ورھیاں دے محمد حفیظ نے 234گینداں اُتے 195سکور کھادا پر کوئی وکٹ نہ لئی جو کسے وی پاکستان باﺅلر ولوں زیادا گینداں کروان مگروں وکٹ نہ لین دا نواں ملکی ریکارڈ اے، حفیظ توں پہلے شاہد آفریدی نے 2012-13دے دورا جنوبی افریقا وچ کھیڈے گئے 5ون ڈے میچاں دی سیریز وچ 222گینداں کرا کے 210سکور کھادے سن پر اوہ وی کوئی وکٹ نہیں لے سکے سن۔ ایس توں وکھ اعجاز فقہی وی آفریدی نال حصے دار سن، جہناں نے 1993دے ورلڈ کپ وچ 222گینداں کرا کے وی کوئی وکٹ نہیں لئی سی۔