پاکستان سپر لیگ دا دوجا ایڈیشن :آن لائن ٹکٹاں وِکنیاں شروع

لاہور(پاکستان پوائنٹ نیوز25۔جنوری2017ء) پاکستان سپر لیگ (پی ایس ایل) دے دوجے ایڈیشن لئی آئن لائن ٹکٹاں وِکنیاں شروع ہو گئیاں۔ تفصیل دے مطابق پاکستان سپر لیگ ولوں جاری ہون والے اک بیان مطابق پاکستان سپر لیگ (پی ایس ایل) دے دوجے ایڈیشن لئی آئن لائن ٹکٹاں وِکنیاں شروع ہو گئیاں جو دبئی تے شارجہ وچ صرف مِتھیاں تھاواں اُتے مُل لِتیاں جا سکدیاں نیں، جہدا گھٹو گھٹ مُل 20درہم(تقریبن 600رُپئے پاکستانی) رکھیا گیا اے۔ انتظامیا مطابق پی ایس ایل دے قذافی سٹیڈیم، لاہور وچ شیڈول فائنل لئی ٹکٹاں فروری وچ وکِنیاں شروع ہون گیاں۔