نویں دِلی(پاکستان پوائنٹ نیوز20۔جنوری2017ء) بھارتی ٹیم دے آل راﺅنڈر یوسف پٹھان نے بھیس بدل کے نویں دِلی دے اک کلب وچ بالاں نوں کرکٹ سکھانا شروع کر دِتی۔ تفصیل دے مطابق 34ورھیاں دے یوسف پٹھان نے کار بنان والی اک کمپنی دے تعاون نال بھیس بدل کے نویں دِلی دے اک کلب دا دورا کیتا جتھے پہلے اوہ بالاں نوں بیٹنگ تے باﺅلنگ کرن بارے ٹپس دیندے رہے تے فیر بَلا پھڑ کے آپ میدان وچ آگئے، پہلے کلب دے باﺅلرز نے اوہناں نوں عام شہری سمجھ کے باﺅلنگ کروائی پر جدوں اوہناں نے اپنی چنگے طریقے نال بیٹنگ دے جوہر وکھائے تے باﺅلرز دے چھکے چُھٹ پئے، کلب دے ہور کرکٹرز اوہناں دی بلے بازی دے مزے لیندے رہے پر بعدوں جدوں یوسف پٹھان نے اپنی جعلی وگ تے داڑھی لاہی تے بال اوہناں دا اصل روپ ویکھ کے خشی نال کِھڑ پئے۔
ایس موقعے اُتے یوسف پٹھان نے کھڈاریاں نوں اپنے دستخط والے بَلے تے ٹوپیاں وی دِتیاں۔
