لاہور(پاکستان پوائنٹ نیوز19۔جنوری2017ء) سابق ٹیسٹ کرکٹرز نے مصباح الحق نوں ٹیسٹ کرکٹ توں عزت نال ریٹائرمنٹ لین دا مشورا دے دِتا۔ تفصیل دے مطابق سابق بلے باز محمد یوسف نے آکھیا کہ کپتان لئی ایہ چنگا موقع اے کہ کیریئر نوں ہور لَما کرن دی بجائے عروج وچ ریٹائرمنٹ لے لین جدکہ اعجاز احمد نے آکھیا کہ عالمی نمبر ون بنن دے بعد مصباح الحق نوں ٹیسٹ کرکٹ نوں الوداع آکھ دینا چاہیدا سی، سابق ٹیسٹ کرکٹرز دی رائے وچ ٹیسٹ ٹیم دی کپتانی لئی اظہر علی چنگے امیدوار نیں۔
دوجے پاسے دبئی وچ موجود سابق ٹیسٹ کرکٹر اعجاز احمد نے آکھیا کہ پاکستانی ٹیسٹ ٹیم جدوں عالمی رینکنگ وچ ٹاپ اُتے سی تے عمران خان دے ورلڈ کپ 1992جِت کے ریٹائرمنٹ دے فیصلے وانگ مصباح الحق نوں وی ٹیسٹ کرکٹ چھڈ دینی چاہیدی سی، اوہناں دیاں کھیڈ لئی خدمتاں نوں یاد رکھیا جائے گا۔ اعجاز احمد نے آکھیا کہ اظہر علی ٹیم دے تجربا کار کھڈاری نیں، اوہ ٹیسٹ کرکٹ وچ نہ صرف ڈبل بلکہ ٹرپل سنچری وی کر چکے نیں، میرے رائے وچ قومی ٹیسٹ ٹیم دی کپتانی لئی اوہ سبھ توں بہتر امیدوار نیں۔
