محمد حفیظ دا دوجے ون ڈے میچ وچ مین آف دی میچ ایوارڈ نال ملن والے پیسے خیرات کرن دا اعلان

لاہور(پاکستان پوائنٹ نیوز17۔جنوری2017ء) قومی ٹیم دے قائم مقام کپتان محمد حفیظ نے آسٹریلیا خلاف دوجے ون ڈے وچ مین آف دی میچ ایوارڈ دے نال ملن والے پیسے غریباں نوں دین دا اعلان کر دِتا۔ تفصیل دے مطابق ملیبورن کرکٹ گراﺅنڈ وچ کھیڈے گئے ایس مقابلے وچ پاکستان نے محمد حفیظ دے 72سکور دے نتیجے وچ آسٹریلیا نوں 6وکٹاں توں ہرا دِتا سی، جہدے بعد ’پروفیسر‘ نوں میچ دے بہترین کھڈاری دے ایوارڈ دے نال شراب بنان والی کمپنی ولوں 1000آسٹریلیوی ڈالر دا انعام وی دِتاگیا، پاکستانی قائم مقام کپتان نے مثال قائم کردے ہوئے کمپنی ولوں ملن والے پیسیاں نوں خیرات وچ دین دا اعلان کر دِتا۔