میلبورن(پاکستان پوائنٹ نیوز16۔جنوری2017ء) پاکستان خلاف پہلے دو میچاں وچ آسٹریلوی ٹیم دا حصہ رہن والے آل راﺅنڈر مچل مارش زخمی ہو کے سریز توں باہر ہو گئے نیں۔ آسٹریلیا دے کرکٹ بورڈ دا کہنا اے کہ موڈھے دی انجری دا شکار مچل مارش پاکستان خلاف سریز دے ہور میچاں وچ ٹیم دا حصہ نہیں ہون گے جدکہ اوہناں نوں ہندوستان دے دورے لئی اعلان کیتے گئے 16رکنی سکواڈ وچ وی شامل کیتا گیا اے۔
مچل مارش، میلبورن وچ پاکستان خلاف سیریز دے دوجے میچ وچ موڈھے وچ درد پاروں باﺅلنگ نہیں کر سکے سن۔ بورڈ ولوں اک بیان وچ آکھیا گیا اے کہ مکمل فٹنس مگروں واپسی لئی اوہناں نوں بحالی تے آرام لئی کُجھ ویلا چاہیدا اے۔ آسٹریلیا نے مارش دی تھاں کسے ہور کھڈاری نوں شامل نہیں کیتا اے پر برسبین وچ زخمی ہون والے کرس لین دی تھاں پیٹر بینڈرز کومب نوں ٹیم دا حصہ بنایا گیا اے۔
