شیخ رشید قومی ٹیم نوں مبارکباد دین دے چکر وچ اپنا مذاق اُڈا بیٹھے

میلبورن(پاکستان پوائنٹ نیوز16۔جنوری2017ء) آسٹریلیا خلاف دوجے ون ڈے میچ وچ پاکستان دی جِت اُتے عوامی مسلم لیگ دے صدر شیخ رشید احمددے ٹویٹ نے سوشل میڈیا ورتیندڑاں نوں ہَکا بِکا کر دِتا۔ تفصیل دے مطابق میلبورن وچ کھیڈے گئے میچ وچ پاکستان نے کینگروز نوں 6وکٹاں توں ہرا یا ، جہدے بعد کرکٹ دے چاہیواناں دے نال نال شیخ رشید نے وی پاکستانی ٹیم نوں شاباش دین دا سوچیا پر اوہ غلطی نال ’ویل ڈن گرین شرٹس‘ لکھن دی بجائے ’ویل ڈن گرین شٹس‘ لکھ گئے جدکہ جلدی ای اوہناں نے اپنا اوہ ٹویٹ ٹھیک کر دِتا پر اوس ویلے تک سوشل میڈیا ورتیندڑراں نے اوہناں دے ایس ٹویٹ دا سکرین شاٹ لے کے اوہناں نوںتنقید دا نشانا بنانا شروع کر دِتا سی۔