شاہد آفریدی دا ہانگ کانگ بلٹز لئی سمجھوتا

آل راﺅنڈر ہانگ کانگ ٹی ٹونٹی ٹورنامنٹ لئی سمجھوتا کرن والے پہلے انٹرنیشنل سٹار نیں

شاہد آفریدی دا ہانگ کانگ بلٹز لئی سمجھوتا
آل راﺅنڈر ہانگ کانگ ٹی ٹونٹی ٹورنامنٹ لئی سمجھوتا کرن والے پہلے انٹرنیشنل سٹار نیں

کراچی(پاکستان پوائنٹ نیوز12۔جنوری2017ء) سابق کپتان شاہد آفریدی نے ہانگ کانگ ٹی ٹونٹی بلٹز ایونٹ لئی کولون کینٹنز نال سمجھوتا کر لیا اے۔ تفصیل دے مطابق 36ورھیاں دے آل راﺅنڈر چالو ورھے مارچ وچ ہون والے ہانگ کانگ ٹی ٹونٹی بلٹز ٹورنامنٹ لئی سمجھوتا کرن والے پہلے انٹرنیشنل سٹار نیں حالانکہ ایونٹ دے منتظمین نے ہور وڈے ناواں نال وی سمجھوتے دی امید دا وکھالا کیتا اے۔

یاد رہوے کہ کولون کینٹنز پچھلے ورھے پہلی وار کھیڈے جان والے ٹورنامنٹ دی سانجھی فاتح اے جہنے چالو ورھے لئی پاکستانی سپر سٹار نوں اپنی ٹیم دا حصہ بنایا اے۔ دوجے پاسے شاہد آفریدی وی کولون کینٹنز دی نمائندگی لئی اُتاولے نیں، جہناں دا کہنا اے کہ اوہناں نے ایونٹ بارے کافی کُجھ سنیا اے۔ جہدے بعد اوہ وی ماحول، شوقیناں دی محبت تے مجمانی دا مزا لینا چاہندے نیں۔