باسط علی نے اپنے ہم عصر کرکٹر محمود حامد نوں چپیڑ مارن اُتے معافی منگ لئی

کراچی(پاکستان پوائنٹ نیوز30۔دسمبر2016ء) سابق ٹیسٹ کرکٹر تے ویمن کرکٹ ٹیم دے ہیڈ کوچ باسط علی نے اپنے ہم عصر کرکٹر محمود حامد نوں چپیڑ مارن اُتے معافی منگ لئی۔ باسط علی نے محمود حامد نوں فون کر کے اپنے کیتے اُتے شرمندگی دا وکھالا کیتا تے معافی وی منگی۔ سابق ٹیسٹ کرکٹر دا کہنا سی کہ محمود حامد نے نجی ٹی وی چینل اُتے بِہ کے میرے بارے جو گلاں کیتیاں اوہدے اُتے مینوں غصہ آیا۔ اوہناں دا کہنا سی کہ اوہ میرے نال کھیڈے نیں تے میرے جونیئر وی نیں، اوہناں نوں ایہ گلاں سجدیاں نہیں پر میں اوہناں نال جو کیتا اوہ سبھ غصے وچ سی جہدے اُتے مینوں شرمندگی اے تے میں اپنے کیتے اُتے محمود حامد کولوں معافی منگنا واں۔