لیگ سپنر یاسر شاہ ٹیسٹ کرکٹ دی 139سالہ تواریخ دے بدترین ریکارڈ دے مالک بن گئے

میلبورن(پاکستان پوائنٹ نیوز30۔دسمبر2016ء) قومی ٹیم دے لیگ سپنر یاسر شاہ ٹیسٹ کرکٹ دی 139سالہ تواریخ دے بدترین ریکارڈ دے مالک بن گئے۔ 30ورھیاں دے یاسر شاہ نے آسٹریلیا خلاف میلبورن ٹیسٹ وچ 41اوورز کرا کے تن شکار کیتے تے 207سکور کھادے۔ ایس شرمناک کارکردگی دے نال ای یاسر شاہ ٹیسٹ کرکٹ دی 139سالہ تواریخ وچ پہلے باﺅلر بن گئے جہناں نوں اک سال دے دوران دو وار اک اننگز وچ 200سکور پیا ہوئے، ایس توں پہلے یاسر شاہ نے انگلینڈ خلاف اولڈ ٹریفورڈ ٹیسٹ وچ 54اوورز کرا کے اک وکٹ دے بدلے 213سکور کھادے۔ یاسرشاہ نے سابق پاکستان آف سپنر ثقلین مشتاق تے سابق بھارتی کھبے ہتھ نال گیند کران والے سپنر ونو مانکنڈ دے دو وار 200 توں ودھ سکور کھان دا ریکارڈ وی برابر کیتا۔