بھارت : شاہد آفریدی دے ناں دی جرسی پان والے چاہیوان نوں جیل دی سیر کرنی پے گئی

نویں دِلی(پاکستان پوائنٹ نیوز19۔دسمبر2016ء) مودی سرکار دے آن دے بعد بھارت وچ پاکستان خلاف نفرت ایس حد تیکر ودھ گئی اے کہ ہن گوانڈھی ملک وچ پاکستانی کرکٹ ٹیم دی جرسی پان اُتے وی تہانوں جیل دی سیر کرنی پے سکدی اے۔ تفصیل دے مطابق بھارتی ریاست آسام دی پولیس نے پاکستانی آل راﺅنڈر شاہد آفریدی دے ناں دی جرسی پان اُتے اوہناں دے اک چاہیوان نوں گرفتار کر لیا اے۔ بھارتی میڈیا دے مطابق ہندو انتہا پسند جماعت بی جے پی دے یوتھ ونگ ولوں مقامی پولیس سٹیشن وچ شکایت درج کروائے جان دے بعد پولیس نے ایف آئی آر درج کردے ہوئے ذکر کیتے گئے بندے نوں گرفتار کر کے مقامی عدالت وچ پیش کیتا جہنے اوہنوں جوڈیشل ریمانڈ اُتے جیل گھل دِتا اے۔