برسبین(پاکستان پوائنٹ نیوز17۔دسمبر2016ء) پاکستان تے آسٹریلیا وچکار تن میچاں دی ٹیسٹ سیریز دے پہلے و واحد ڈے نائٹ تیسٹ میچ دے تیجے دیہاڑے پاکستانی ٹیم اپنی پہلی اننگز وچ 142سکور بنا کے آﺅٹ ہو گئی جہدے بعد آسٹریلیا نے اپنی دوجی اننگز وچ کھان پین دے وقفے اُتے 5وکٹاں گوا کے 202سکور کر لئے نیں۔ برسین کرکٹ گراﺅنڈ، وولن گاہا وچ جاری میچ دے تیجے دیہاڑے عامر تے سرفراز نے 97سکور، 8کھڈاری آﺅٹ توں اننگز شروع کیتی تے سکور 121رنز تیکر لے گئے، ایس موقعے اُتے محمد عامر 21سکور بنا کے جیکسن برڈ دا تیجا شکار بن گئے۔
راحت علی نے سرفراز نال آخری وکٹ لئی 21سکور جوڑے تے ایس دوران وکٹ کیپر وبلے باز نے اپنے ٹیسٹ کیریئردی 10ویں ففٹی بنائی، راحت چار سکور بنا کے رن آﺅٹ ہوئے تے انج پوری ٹیم 142سکور بنا کے واپس پر گئی، سرفراز 59سکور نال ناﺅٹ آﺅٹ رہے۔
