برسبین ٹیسٹ:محمد عامر فیلڈنگ کردے ہوئے زخمی ہو گئے

برسبین(پاکستان پوائنٹ نیوز15۔دسمبر2016ء) قومی ٹیم دے فاسٹ باﺅلر محمد عامر آسٹریلیا خلاف پہلے ٹیسٹ دے پہلے دن فیلڈنگ کردے ہوئے زخمی ہو گئے۔ تفصیل دے مطابق 24ورھیاں دے محمد عامر نے میچ دے 70ویں اوور وچ بینڈ سکومب ولوں کھیڈی گئی شاٹ نوں باﺅنڈری لائن اُتے روکن دی کوشش کیتی پر اوہناں دا سَجھا گِٹا آﺅٹ فیلڈ نال اُلجھ گیا جہدے نتیجے وچ اوہ ڈاڈھی پیڑ وچ مبتلا نظر آئے، ٹیم فزیو نے گراﺅنڈ وچ اوہناں نوں مڈھلی ڈاکٹری امداد دِتی جہدے بعد اوہناں نوں گالف دی گڈی اُتے بیٹھا کے گراﺅنڈ توں باہر منتقل کیتا گیا۔دوجے پاسے ٹیم مینجمنٹ دا کہنا اے کہ اوہ اجے عامر دی انجری بارے کُجھ نہیں آکھ سکدے۔