مَندے گھریلو حالات: قومی انڈر 19کرکٹ سٹار پراٹھے بنان اُتے مجبور

لاہور(پاکستان پوائنٹ نیوز14۔دسمبر2016ء) گھریلو حالات مَندے ہون کارن قومی انڈر 19کرکٹ سٹار پراٹھے بنان اُتے مجبور ہوگیا۔ تفصیل دے مطابق کوئٹہ توں تعلق رکھن والا انڈر 19کرکٹر عبدالحنان خان اچکزئی ہن تیکر سینئر انٹر ڈسٹرکٹ ٹورنامنٹ وچ 600توں ودھ سکور بنان دے نال نال 22وکٹاں وی لے چکیا اے پر خرا ب مَندے گھریلو حالات نے اوہنوں گھر والیاں دا ڈھڈ بھرن لئی پراٹھے لان اُتے مجبور کر دِتا اے۔ حنان خان دا کہنا اے کہ اوہ آن والے ویلے وچ پاکستانی ٹیم دی نمائندگی کردے ہوئے اوہنوں جتوانا چاہندا اے پر گھریلو حالات اوہنوں کرکٹ کھیڈن دی اجازت نہیں دے رہے۔