کوئٹہ(پاکستان پوائنٹ نیوز30۔نومبر۔2016ء) پاکستان سپر لیگ دی فرنچائز ’کوئٹہ گلیڈی ایٹرز‘ نے سابق ٹیسٹ آل راﺅنڈر عبدالرزاق دیاں خدمتاں حاصل کر لئیاں نیں۔ تفصیل دے مطابق پاکستان لئی 46ٹیسٹ، 265ون ڈے تے 32ٹی ٹونٹی کھیڈن والے آل راﺅنڈر عبدالرزاق پاکستان سپر لیگ (پی ایس ایل) دے دوجے ایڈیشن وچ کوئٹہ گلیڈی ایٹرز دے اسسٹنٹ کوچ جدکہ باﺅلرز دی تربیت لئی کوچ معین خان نال کم کرن گے۔
یاد رہوے کہ پاکستان سپر لیگ وچ اسلام آباد ’یونائیٹڈ‘ نے وسیم اکرم تے سلیکشن کمیٹی دے رکن توصیف احمد دیاں خدمتاں حاصل کیتیاں نیں، پشاور زلمی نے ایس وار کامیاب ترین ملکی ٹیسٹ بلے باز یونس خان نوں سائن کیتا اے، لاہور قلندر دے کرکٹ ڈائریکٹر ثاقب جاوید نیں جدکہ کراچی کنگز نے سابق ٹیسٹ وکٹ کیپر راشد لطیف دیاں خدمتاں حاصل کیتیاں ہوئیاں نیں۔
