بھارتی کپتان ویرات کوہلی وی ”بال ٹمپرنگ“ کردے پھڑے گئے

بھارتی کپتان ویرات کوہلی وی ”بال ٹمپرنگ“ کردے پھڑے گئے

نویں دِلی(پاکستان پوائنٹ نیوز22۔نومبر۔2016ء) اک پاسے اجے دنیائے کرکٹ جنوبی افریقا دے ٹیسٹ کپتان فاف ڈوپلیسی اُتے لگے بال ٹمپرنگ دے الزام اُتے اوہناں خلاف آئی سی سی دیاں تحقیقات دا نتیجہ ساہمنے آن دا انتظار کر رہی تے دوجے پاسے ہُن بھارتی ٹیسٹ کپتان ویرات کوہلی وی ایسے انداز نال ”بال ٹمپرنگ“ کردے ہوئے پھڑے گئے نیں۔ جنوبی افریقی میڈیا نے دعوا کیتا اے کہ ویرات کوہلی نے راجکو ٹیسٹ دوران بال ٹمپرنگ لئی خاص قسم دی چوئنگ گم ورتی پر اوہ ایس طریقے نال گیند نوں چمکاندے ہوئے کیمرے دی پکڑ وچ آ گئے۔ یاد رہوے کہ انگلینڈ تے بھارت وچکار راجکوٹ ٹیسٹ میچ ہار جِت دے فیصلے دے بغیر ای ختم ہو گیا سی۔