سلانوالی(پاکستان پوائنٹ نیوز11۔نومبر۔2016ء) قومی کرکٹ ٹیم دے آل راﺅنڈر محمد حفیظ نے آکھیا اے کہ چھیتی ای پہلے نالوں بہتر آل راﺅنڈر دے طور اُتے ساہمنے آواں گا۔ تفصیل دے مطابق نجی واٹر فلٹریش پلانٹ دی افتتاحی تقریب دے موقعے اُتے گل بات کردے ہوئے اوہناں دا کہنا سی کہ چھیتی ای پہلے نالوں بہتر آل راﺅنڈر دے طور اُتے ساہمنے آواں گا جدکہ اپنے باﺅلنگ ایکشن بارے اوہناں نے دسیا کہ اوہ پچھلے اک ورھے توںایس حوالے نال ڈاڈھی محنت کر رہے نیں۔
اوہناں نے ایس موقعے اُتے اپنے چاہیواناں توں اپیل کیتی کہ اوہ 17نومبر نوں باﺅلنگ ایکشن دی کلیئرنس دے حوالے نال آسٹریلیاجا رہے نیں تے اوہ اوہناں واسطے دعا کرن۔ اوہناںد ا دورا نیوزی لینڈ دے حوالے نال کہنا سی کہ اوہناں دا سکواڈ وچ شامل ہونا ایس وار شاید ممکن نہیں اے۔ محمد حفیظ دا کہنا سی کہ مینوںاپنی ٹیم توں چنگی کارکردگی دی امیداے۔
