ہیملٹن(پاکستان پوائنٹ نیوز07۔نومبر۔2018ء) کرکٹ ہُن بدل رہی اے تے رن ریٹس وچ وی وادھا ہو رہیا اے پر بدھ والے دن نیوزی لینڈ دے ون ڈے ٹورنامنٹ فورڈ ٹرافی وچ ہیملٹن دے مقام اُتے ناردن ڈسٹرکِٹس دے جوکارٹر تے بریٹ ہیمپٹن نے اِک اوور وچ 43 سکور بٹور کے نواں لسٹ اے ریکارڈ بنا دتا۔ دوناں کھڈاریاں نے سینٹرل ڈسٹرکٹِس دے فاسٹ بالر ولم لیوڈک دے خلاف ایہ کارناما سر انجام دِتا۔
بریٹ ہیمپٹن نے ولم لیوڈک دی پہلی گیند نُوں باؤنڈری دے باہر گھل کے چار سکور حاصل کر لئے جیہدے بعد لیوڈک نے اگلیاں دوناں گینداں 9 بالز کیتیاں جیہناں نُوں ہیمپٹن نے چھکیاں دی صورت وچ باؤنڈری دے پار سُٹیا‘ اگلی گیند ہیمپٹن نے اِک واری فیر باؤنڈی دے باہر گھلی جیہدے بعد اوہناں نے لیوڈک دی تیجی گیند اُتے سنگل لے کے سٹرائیک جوکارٹر نوں دِتا تے اپنا صرف پنجواں لسٹ اے میچ کھیڈن والے جوکارٹر نے اگلیاں تناں گینداں اُتے چھکے مارکے ریکارڈ بکس وچ ہمیشہ لئی اپنا ناں لکھوا لیا۔
