اظہر علی نے ون ڈے کرکٹ توں ریٹائرمنٹ دا اعلان کر دتا

لاہور(پاکستان پوائنٹ نیوز01۔نومبر۔2018ء) قومی ون ڈے کرکٹ ٹیم دے سابق کپتان اظہر علی نے ون ڈے انٹرنیشنل کرکٹ توں ریٹائرمنٹ دا اعلان کر دتا۔ قذافی سٹیڈیم لاہور وچ پریس کانفرنس کردے ہوئے اظہر علی دا آکھنا سی کہ چیمپئنز ٹرافی جِتنا اوہناں دے کیریئر دا یادگار ترین لمحہ سی جو ہمیشہ اوہناں نال رہوے گا۔ اوہناں دا آکھنا سی کہ موجودہ ون ڈے ٹیم وچ نوجوان کھڈاری بہتر کمبی نیشن نال کھیڈ رہے نیں ایس لئی اوہ ٹیسٹ کرکٹ اُتے اپنی پوری توجہ رکھنا چاہندے نیں۔یاد رہوے کہ اظہر علی نے 53ون دے میچاں وچ 36.90دی اوسط نال 1845سکور بنائے جیہدے وچ 3سنچریاں تے 12ففٹیاں شامل نیں۔ اوہناں دا بہترین سکور 102رہیا۔