نیوزی لینڈ ولوں پاکستان خلاف ٹی 20 سیریز لئی ٹیم دا اعلان

آکلینڈ(پاکستان پوائنٹ نیوز23۔اکتوبر۔2018ء) نیوزی لینڈ نے پاکستان دے خلاف ٹی 20 سیریز لئی ٹیم دا اعلان کر دِتا۔ 3 ٹی 20 میچز دی سیریز لئی کورے اینڈرسن تے مائیکل فلپس نُوں کیوی ٹیم وچ واپس لیاندا گیا اے۔ دوویں کھڈاری ایس ویلے نیوزی لینڈ اے دے نال یو اے ای وچ پاکستان اے خلاف کھیڈ رہے نیں۔ کین ویلم سن ٹیم دی قیادت کرن گے۔ایس توں وکھ ہور کھڈاریاں وچ ایش کروڈھی، ایڈیم، میلنے، ٹم سوڈھی، مارک چمپ مین، رینسے، ٹم سیفرڈ تے لیوکی فرگوسن شامل نیں۔ انجری دی وجہ توں مارٹن گپٹل ایہناں میچاں توں باہر ہو چکے نیں۔ بولر ٹرینٹ بولڈ وی سکواڈ دا حصہ نہیں نیں۔ میچ 31 اکتوبر، 2 تے چار نومبر نُوں ہون گے۔ 7 اکتوبر توں شیڈول ون ڈے سیریز لئی کیوی ٹیم دا اعلان بعد وچ ہووے گا۔