کنگسٹن (پاکستان پوائنٹ نیوز09۔اکتوبر۔2018ء) ویسٹ انڈیز نے اگلے ورھے انگلینڈ خلاف انٹرنیشنل ہوم سیریز دے شیڈول دا اعلان کر دِتا۔ ویسٹ انڈیز 10 ورھیاں دی دوری دے بعد انگلینڈ خلاف مکمل سیریز دی مجمانی (میزبانی) کرے گا۔ انگلش ٹیم دورے دے دوران کالی انھیری خلاف 3 ٹیسٹ، پنج ون ڈے تے 3 ٹی 20 عالمی میچاں دی سیریز کھیڈے گی۔ ایہ ویسٹ انڈیز دی انگلینڈ خلاف 2009 دے بعد پہلی لمی سیریز ہووے گی۔
ویسٹ انڈیز نے 2009 وچ ای انگلینڈ خلاف آخری ٹیسٹ سیریز جتی سی جد کہ کالی انھیری نے انگلش ٹیم نُوں پنج ٹیسٹ میچاں دی سیریز وچ 0-1 نال زیر کیتا سی۔ اعلان کردہ شیڈول دے تحت انگلش ٹیم 15 جنوری نُوں چار دناں دے ٹور میچ نال دورے دی شروع کرے گی۔ ایہدے بعد دوویں ٹیماں وچکار پہلا ٹیسٹ 23 جنوری توں شروع ہووے گا۔
