بھارت کولوں ہارن دی وجہ کیہ سی؟سرفراز نے دس دتا

اہم میچاں توں پہلاں ویک اپ کال مل گئی، غلطیاں توں سکھاں گے:سرفراز

بھارت کولوں ہارن دی وجہ کیہ سی؟سرفراز نے دس دتا
اہم میچاں توں پہلاں ویک اپ کال مل گئی، غلطیاں توں سکھاں گے:سرفراز

دبئی(پاکستان پوائنٹ نیوز20۔ستمبر۔2018ء) پاکستان کرکٹ ٹیم دے کپتان سرفراز احمد دا کہنا اے کہ چنگا ہویا سانوں میچ توں پہلاں ’ویک اپ کال‘ مل گئی، ساڈے بُہتے کھڈاری غیر ضروری سٹروک کھیڈدے ہوئے آؤٹ ہوئے۔ تفصیل مطابق ایشیاء کپ کرکٹ ٹورنامنٹ دے گروپ میچ وچ بھارت ہتھوں ہار دے بعد گل بات کردے ہوئے سرفراز احمد نے آکھیا کہ ساڈے اوپنرز بہت چھیتی آؤٹ ہو گئے تے اوہدے مگروں وی پارٹنر شپس نہیں بن سکی۔

ساڈے بُہتے کھڈاری غیر ضروری سٹرک کھیڈدے ہوئے آؤٹ ہوئے۔ سرفراز احمد دا کہنا سی کہ اسیں کلدیپ تے چابل خلاف تیاری کیتی سی پر کیدھر جادھو ہتھوں آؤٹ ہوئے ۔ اوہناں د اکہنا سی کہ چنگا ہویا سانوں اہم میچاں توں پہلاں ویک اپ کال مل گئی، غلطیاں توں سکھن دی کوشش کراں گے ، کوشش ہوئے گی کہ آؤندے میچاں وچ غلطیاں نہ کرئیے۔ دوجے پاسے بھارتی کپتان روہت شرما نے آکھیا کہ پہلے میچ دے مقابلے وچ ٹیم چنگا کھیڈی، خشی اے ٹیم نے چنگے انداز وچ میچ ختم کیتا۔ یاد رہوے کہ پچھلے دیہاڑے بھارت نے ایشیاء کپ دے راؤنڈ میچ وچ پاکستان نوں آسانی نال 8وکٹاں توں ہرا دتا سی۔